Իսրայելական բանակը հայտարարել է, որ հարվածներ է հասցրել Գազայի հատվածի հյուսիսում գտնվող արմատական ՀԱՄԱՍ շարժման ռազմական օբյեկտին և պաղեստինյան անկլավի ափամերձ գոտում գտնվող նավերին։
«Իսրայելական պաշտպանության ուժերը (IDF) հարձակվել են Գազայի հյուսիսում գտնվող ՀԱՄԱՍ-ի ռազմական օբյեկտի վրա, որտեղ պատրաստվում էին հրթիռներ արձակել Իսրայելի տարածք:
Այդ նավերը նախատեսված էին ՀԱՄԱՍ-ի և «Իսլամական ջիհադի» կողմից ահաբեկչական գործողություններում օգտագործելու համար»,- ասվում է Իսրայելի բանակի մամուլի ծառայության հաղորդագրության մեջ:
Իսրայելի պաշտպանության բանակը «շարունակում է հարվածներ հասցնել Գազայի հատվածում ահաբեկիչների թիրախներին՝ Իսրայելի քաղաքացիներին և իսրայելական զորքերին սպառնացող ցանկացած վտանգ վերացնելու համար», - ասվում է հայտարարության մեջ:
