ԱՄՆ նախագահ Դոնալդ Թրամփը մարտի 15-ին մասնավոր ընթրիք է անցկացրել Ֆլորիդայի իր նստավայրում՝ Մար-ա-Լագոյում, և հյուրերին, այդ թվում՝ միլիարդատեր Իլոն Մասկին, խնդրել են 1 միլիոն դոլար վճարել ներկա գտնվելու համար, հայտնում է WIRED ամսագիրը՝ մեջբերելով միջոցառման լուսանկարներն ու տեսանյութերը։
«Դոնալդ Ջ.Թրամփն այս միջոցառմանը մասնակցում է բացառապես որպես հատուկ հյուր և միջոցներ կամ նվիրատվություններ չի պահանջում»,- ասվում է փաստաթղթում։
Ըստ հրապարակման՝ Մասկը ներկա է եղել միջոցառմանը։ Նա ժամանել է սև բաճկոնով և վերնաշապիկով, և նրան ուղեկցել է երեկոյան զգեստով մի կին, որը սոցցանցերի օգտատերերի կողմից նույնականացվել է Neuralink-ի ղեկավար Սիոբհան Զիլիսի հետ։
Ի տարբերություն մարտի 1-ի նմանատիպ ընթրիքի, որն ընդգրկված էր նախագահի պաշտոնական գրաֆիկում, մարտի 15-ի միջոցառումը նրա ժամանակացույցում չի հայտնվել։ Սպիտակ տունը հրաժարվել է մեկնաբանել այս տեղեկությունը, նշել է ամսագիրը։
