Ուկրաինայի արտաքին գործերի նախարար Անդրեյ Սիբիգան հայտարարել է, որ Կիևը, Ջիդդայում ԱՄՆ-ի հետ բանակցություններից հետո, պատրաստ է այս տարի վերջ դնել հակամարտությանը։
Սաուդյան Արաբիայի Ջիդդա քաղաքում մարտի 11-ին բանակցություններ են տեղի ունեցել ԱՄՆ-ի և Ուկրաինայի պատվիրակությունների միջև։ Արդյունքում հրապարակվել է կողմերի համատեղ հայտարարությունը, ըստ որի, մասնավորապես, Կիեւը պատրաստ է ընդունել 30 օրով հրադադարի մասին ԱՄՆ-ի առաջարկը։
«Ջիդայից հետո մենք ունենք այլ արագություն, նոր լրացուցիչ հնարավորություններ՝ այս տարի ավարտելու այս պատերազմը, և մենք պատրաստ ենք դրան, մենք խոչընդոտ չենք խաղաղության հասնելու համար», - ասել է Սիբիգան Նյու Դելիում կայացած Raisin Dialogue համաժողովում:
Ուկրաինայի ԱԳՆ ղեկավարը նշել է, որ բանակցություններից հետո Կիևը պաշտպանել է 30 օրով ժամանակավոր զինադադարի մասին ԱՄՆ-ի առաջարկը, քանի որ շատ կարևոր է, որ հակամարտությունը չընկալվի որպես սառեցված։
