Իսրայելի դատարանը չեղարկել է վարչապետ Բենիամին Նեթանյահուի դեմ գործով նախատեսված դատական նիստը՝ Գազայի հատվածում վերսկսված մարտերի պատճառով։
Այս մասին հայտնում է իսրայելական Ynet պորտալը։ Վարչապետը, գլխավոր դատախազության համաձայնությամբ, համապատասխան միջնորդություն է ներկայացրել, որը դատարանը բավարարել է։
Նախատեսվում էր, որ առաջիկա նիստում դատարանը կլսի վարչապետի ցուցմունքները։ Մարտի 18-ին Իսրայելի պաշտպանության բանակը (IDF) հայտարարեց Գազայի հատվածում պաղեստինյան ՀԱՄԱՍ շարժմանը պատկանող ահաբեկչական օբյեկտների լայնածավալ հարվածների մասին։ Նեթանյահուի գրասենյակը հայտնել է, որ Իսրայելը վերսկսել է ռազմական գործողությունները Համասի դեմ անկլավում:
