Ժնևում բացվում է Կիպրոսի հարցով երկօրյա գագաթնաժողովը՝ ՄԱԿ-ի գլխավոր քարտուղարի մասնակցությամբ

17.03 16:58 | Կատեգորիա Համաշխարհային

Երկուշաբթի օրը Ժնևում ՄԱԿ-ի հովանու ներքո մեկնարկում է Կիպրոսի կարգավորման շուրջ երկօրյա գագաթնաժողովը՝ ՄԱԿ-ի գլխավոր քարտուղար Անտոնիո Գուտերեշի մասնակցությամբ։ Ֆորումի նպատակն է խրախուսել հունա-կիպրական և թուրք-կիպրական կողմերին վերսկսել 2017 թվականին ընդհատված բանակցային գործընթացը՝ կղզու խնդիրը լուծելու համար։Ֆորումը կանցկացվի ընդլայնված «հինգ գումարած մեկ» ձևաչափով, որը նախատեսում է ոչ միայն Կիպրոսի հունական և կիպրական թուրքական համայնքների ղեկավարների, այլ նաև Կիպրոսի անվտանգության, անկախության և տարածքային ամբողջականության երաշխավոր երեք տերությունների արտաքին գործերի նախարարությունների, ինչպես նաև ՄԱԿ-ի ղեկավարության մասնակցությունը։

Նույն ձևաչափով եղավ նաև Կիպրոսի հարցով նախորդ գագաթնաժողովը, որն անցկացվեց 2021 թվականի ապրիլին նույն Ժնևում և ավարտվեց անարդյունք։Կազմակերպչական և միջնորդական դեր կատարող ՄԱԿ-ի գլխավոր քարտուղարից բացի, ֆորումում կողմերի պատվիրակությունները գլխավորում է Կիպրոսի հույների առաջնորդ, Կիպրոսի Հանրապետության նախագահ Նիկոս Խրիստոդուլիդեսը, Կիպրոսի թուրքերի առաջնորդ Էրսին Թաթարը, Հունաստանի արտգործնախարար Գիորգոս Գերապետիտիսը, Թուրքիայի արտգործնախարար Հաքան Ֆիդանը, ինչպես նաև Մեծ Բրիտանիայի փոխարտգործնախարար Սթիվեն Դոտին, որի պարտականությունները ներառում են Եվրոպան, Հյուսիսային Ամերիկան և Միացյալ Թագավորության անդրծովյան տարածքները:

Բացի այդ, գագաթնաժողովին հրավիրված է Եվրամիության պատվիրակությունը, բայց միայն որպես դիտորդ։

«Ոչ ոք չէր ասել, թե ինչքան դшժան հոգեբանական վիճակում եմ հայտնվելու, բոլորը նկարագրել էին մայրության միայն վարդագույն կողմը». Լարա Առաքելյան

14.03 23:20 | Կատեգորիա Ժամանց