Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հեռախոսազրույցը պատրաստվում է երեքշաբթի օրը, հայտնել է Կրեմլի խոսնակ Դմիտրի Պեսկովը։
«Այո, դա ճիշտ է, երեքշաբթի օրը պատրաստվում է նման խոսակցություն»,- պատասխանել է նա պետությունների ղեկավարների շփումների մասին հարցին։
Նախորդ անգամ, երբ Պուտինը և Թրամփը հեռախոսով զրուցել են փետրվարի 12-ին, զրույցը տևել է գրեթե մեկուկես ժամ։
Ղեկավարները, ի թիվս այլ հարցերի, քննարկել են Ուկրաինայում իրավիճակի կարգավորման հարցը։ Պետությունների ղեկավարները պայմանավորվել են շարունակել շփումները, այդ թվում՝ անձնական հանդիպման կազմակերպման հարցով։
