Եվրամիության՝ Ուկրաինային մինչև 40 միլիարդ եվրոյի չափով ռազմական օգնություն տրամադրելու ծրագիրը Հռոմում հարցեր է առաջացնում, և այն կգնահատվի Իտալիայի պաշտպանության նախարարության հետ միասին։ Այս մասին La Stampa թերթին տված հարցազրույցում ասել է հանրապետության արտաքին գործերի նախարար և փոխվարչապետ Անտոնիո Տայանին։
«Առայժմ այս ծրագիրը բազմաթիվ երկրներից առաջացրել է բազմաթիվ հարցեր, սա առաջարկ է, որը պետք է պատշաճ կերպով բացատրվի, և դրանք պետք է մանրակրկիտ վերլուծվեն և գնահատվեն։
Մենք միշտ օգնել ենք Ուկրաինային, բայց կարևոր է հասկանալ, թե դա ինչ ծախսեր կպահանջի, քանի որ շատ բան պետք է ներդրվի ՆԱՏՕ-ի ծախսային պարամետրերին համապատասխանելու համար, ինչպես նաև Եվրահանձնաժողովի նախագահ Ուրսուլա ֆոն դեր
Լեյենի «ReArm Europe» ծրագրում»,- ասել է նախարարը։
Նա պարզաբանել է, որ մարտի 17-ին ԵՄ ԱԳ նախարարների հանդիպմանը այս հարցի քննարկումը միջանկյալ բնույթ է կրելու։ «Վերջնական գնահատումը կիրականացվի պաշտպանության նախարարության հետ»,- հավելեց նա։
