ԱՄՆ-ի և Իսրայելի իշխանությունները հետաքրքրված են Գազայի հատվածից Սիրիա պաղեստինցիներին վերաբնակեցնելու հնարավորությամբ։ Այս մասին հայտնում է CBS News-ը՝ հղում անելով աղբյուրներին։
ԱՄՆ նախագահ Դոնալդ Թրամփի վարչակազմը փորձել է այդ հարցով կապեր հաստատել Սիրիայի անցումային կառավարության հետ միջնորդի միջոցով։ Մեկ այլ աղբյուր հաստատել է սիրիական իշխանությունների հետ կապ հաստատելու փաստը, սակայն չի հստակեցրել՝ արդյոք որեւէ պատասխան ստացվել է։
Իր հերթին, սիրիացի բարձրաստիճան պաշտոնյան հեռուստաալիքին տված մեկնաբանությունում հերքել է, որ ԱՄՆ-ից կամ Իսրայելից որևէ խնդրանք է ստացել Գազայի բնակիչների տեղափոխման հարցում:
Փետրվարին Սիրիայի անցումային նախագահ Ահմեդ ալ-Շարաան ասել էր, որ անբարոյական է համարում ԱՄՆ նախագահ Դոնալդ Թրամփի՝ պաղեստինցիներին իրենց հողերից վտարելու ծրագրերը:
