Ադրբեջանի նախագահ Իլհամ Ալիևն ընդունել է Ռուսաստանի Դաշնության Դաշնային ժողովի պատվիրակությանը` նրա նախագահ Վալենտինա Մատվիենկոյի գլխավորությամբ։ Այս մասին հայտնում է ադրբեջանական պետության ղեկավարի մամուլի ծառայությունը։ Հանդիպման մանրամասները դեռ չեն հաղորդվում։
Մատվիենկոն կիրակի օրը պաշտոնական այցով ժամանել է Բաքու՝ Դաշնային խորհրդի պատվիրակության գլխավորությամբ։ Դաշնային խորհրդի մամուլի ծառայության հաղորդմամբ, այցի ընթացքում նախատեսված են հանդիպումներ Ադրբեջանի ղեկավարության հետ։ Բացի այդ, երկուշաբթի օրը տեղի կունենա Ռուսաստանի Դաշնության Դաշնային ժողովի և Միլլի Մեջլիսի համագործակցության միջխորհրդարանական հանձնաժողովի նիստը։
Միջխորհրդարանական հանձնաժողովի նիստը կղեկավարեն համանախագահներ՝ Դաշնության խորհրդի նախագահի առաջին տեղակալ Անդրեյ Յացկինը և Միլլի Մեջլիսի նախագահի առաջին տեղակալ Ալի Ախմեդովը։
Նախօրեին Մատվիենկոն հանդիպել է Ադրբեջանի առաջին փոխնախագահ Մեհրիբան Ալիևայի հետ։ Դաշնային խորհրդի մամուլի ծառայության հաղորդմամբ՝ հանդիպմանը քննարկվել է երկկողմ հարաբերությունների, այդ թվում՝ մշակութային և հումանիտար համագործակցության հարցերի լայն շրջանակ։
