Ավելի քան 50 մարդ, այդ թվում՝ օտարերկրացիներ, ձերբակալվել են Սաուդյան Արաբիայում հանցագործությունների, այդ թվում՝ մարմնավաճառության և մուրացկանության համար, այն բանից հետո, երբ իշխանությունները որոշել են ստեղծել իրավապահ մարմին՝ «անբարոյական արարքների» դեմ պայքարելու համար։ Այս մասին հայտնում է Financial Times (FT) թերթը։
Թագավորության ներքին գործերի նախարարության նոր ստորաբաժանումն ուղղված է «հանրային անվտանգության ապահովմանը և մարդկանց թրաֆիքինգի դեմ պայքարին»։ Մասնավորապես, մարմնավաճառությամբ զբաղվելու համար բերման է ենթարկվել 11 կին։ «Մի քանի տասնյակ» օտարերկրացիներ բերման են ենթարկվել «անբարոյական արարքներ» կատարելու, այդ թվում՝ մերսման սրահներում, ինչպես նաև կանանց և երեխաներին մուրացկանության ստիպելու համար։
Ըստ FT-ի՝ թագավորության քաղաքականության խստացման պատճառը մի քանի տարի սոցիալական և կրոնական խիստ նորմերի մեղմացումից հետո կարող է լինել «բարոյականության և սեքսի» հետ կապված հանցագործությունների թվի «զգալի աճը», ներառյալ սոցիալական ցանցերում նման գործողությունների գովազդը:
«Մեր երկիրն ունի հատուկ կրոնական և սոցիալական ինքնություն՝ որպես իսլամի ծննդավայր, և ոչ ոք չպետք է խեղաթյուրի Սաուդյան հասարակության իմիջը, որը տարիների ընթացքում ձևավորվել է որպես հասարակության, որտեղ գերակշռում են բարձր բարոյական և սոցիալական սկզբունքները», - մեջբերում է թերթը տեղական Okaz թերթի սյունակագիր Խալիդ ալ-Սուլեյմանը:
