Ռուսաստանը ևս մեկ անգամ ՄԱԿ-ին կոչ է անում աջակցել Բուչայում Կիևի ռեժիմի սադրանքի հետաքննությանը և դադարեցնել ուկրաինական բեմադրության կազմակերպիչների քողարկումը, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք կրկին պահանջում ենք, որ ՄԱԿ-ի քարտուղարությունը դադարեցնի կոծկել ուկրաինական բեմադրությունը, և մասնավորապես այս ուկրաինական բեմադրությունը Բուչայում, որի նպատակն էր վարկաբեկել մեր երկիրը։
Մենք կոչ ենք անում ՄԱԿ-ի քարտուղարությանը նպաստել Բուչայում տեղի ունեցած ողբերգության մանրակրկիտ հետաքննությանը և բացահայտել Կիևի ռեժիմի այս նողկալի հանցագործության մեղավորներին»,- ասել է նա ճեպազրույցի ժամանակ։
