Ֆինլանդիայի և Ուկրաինայի պաշտպանության նախարարներ Անտի Հակենենը և Ռուստեմ Ումերովը հուշագիր են ստորագրել պաշտպանության ոլորտում երկրների միջև երկկողմ համագործակցության մասին։ Այս մասին հայտնում է Ֆինլանդիայի ռազմական գերատեսչությունը։
Ինչպես նշվում է տարածված հաղորդագրության մեջ, երկկողմ համաձայնագրի նպատակը կլինի «խորացնել պաշտպանական համագործակցությունը»։
«Ավելի սերտ համագործակցության ոլորտները ներառում են պաշտպանական նյութերի, տեղեկատվության փոխանակման, հետազոտությունների և նորարարության ոլորտում գործունեությունը, զինամթերքի արտադրությունը և պաշտպանությանն առնչվող նախագծերը Ֆինլանդիայում և Ուկրաինայում», - պարզաբանել է Ֆինլանդիայի պաշտպանության նախարարությունը:
