Euromedia24 on Play Store Euromedia24 on App Sore
BNB

$870.47

BTC

$113082

ADA

$0.868816

ETH

$4608.63

SOL

$213.76

31 °

Yerevan

20 °

Moscow

45 °

Dubai

20 °

London

26 °

Beijing

23 °

Brussels

16 °

Rome

23 °

Madrid

BNB

$870.47

BTC

$113082

ADA

$0.868816

ETH

$4608.63

SOL

$213.76

31 °

Yerevan

20 °

Moscow

45 °

Dubai

20 °

London

26 °

Beijing

23 °

Brussels

16 °

Rome

23 °

Madrid

Կարևորը մնում է արցախցիների հայրենիք վերադարձի հարցը. Արցախի թեմի առաջնորդի նամակը՝ ՄԱԿ քարտուղարին


Արցախի թեմի առաջնորդը դիմում է ՄԱԿ-ի գլխավոր քարտուղարին` օգտագործել սույն թվականի նոյեմբերի 11-22 Բաքվում տեղի ունեցող COP29-ի հարթակում ընձեռված բոլոր հնարավորությունները՝ տարածաշրջանում արդար, երկարատև և արժանապատիվ խաղաղություն հաստատելու համար, և կոչ է անում շոշափելի միջոցներ ձեռնարկելու, որոնք կաջակցեն տարածաշրջանային խաղաղությանը, կապահովեն մարդու իրավունքների պաշտպանությունը և կպահպանեն միջազգային օրենքների ու նորմերի գերակայությունը:

Նամակը, այսօր, ակցիայի շրջանակներում փոխանցվել է ՄԱԿ-ի Երևանյան գրասենյակի ներկայացուցիչներին։

Ստորեւ ներկայացնում ենք նամակն ամբողջությամբ.

«Նորին Գերազանցություն Անտոնիո Գուտերեշ

ՄԱԿ-ի Գլխավոր Քարտուղար

405 Արեւելյան 42-րդ փողոց

Նյու Յորք, NY, 10017

ԱՄՆ

Հարգելի Անտոնիո Գուտերեշ,

2024թ. նոյեմբերի 11-22–ը Բաքվում նախատեսվում է անցկացնել ՄԱԿ-ի Կլիմայի փոփոխության մասին շրջանակային կոնվենցիայի մասնակիցների կոնֆերանսի 29-րդ նստաշրջանը (COP29), որին մասնակցելու հրավեր է ուղղվել տարբեր երկրների ղեկավարներին ու պաշտոնական ներկայացուցիչներին, ինչպես նաեւ միջազգային կազմակերպությունների պատասխանատուներին:

Ուղիղ մեկ տարի առաջ՝ այս օրերին, Ադրբեջանի զինված ուժերը անկանոն գնդակոծության են ենթարկել խաղաղ բնակավայրերը եւ ներխուժել Լեռնային Ղարաբաղ/Արցախ: Մի քանի օրվա ընթացքում 120 հազար արցախցիներ ֆիզիկական բնաջնջման իրական սպառնալիքի տակ ստիպված եղան լքել Արցախը։ Մարդիկ, որոնց նախնիները հազարամյակներ շարունակ ապրել են Արցախում, պարտադրվեցին թողնել իրենց տները, գերեզմանները, նախնիներից կտակած պատմամշակութային ժառանգությունը։ Հիշեցնեմ, որ մինչեւ 2020թ. 44-օրյա պատերազմը Արցախի բնակչությունը կազմում էր 151 հազար մարդ։

Առկա փաստերն առավել քան բավարար են հաստատելու, որ Արցախի ժողովրդի հետ կատարվածը հանցագործություն է մարդկության դեմ։ Տակավին վերջերս Ցեղասպանագետների միջազգային ասոցիացիան իր հայտարարության մեջ նշել է, որ այդ իրադարձությունները համապատասխանում են Ցեղասպանության կոնվենցիայով սահմանված ցեղասպանության հատկանիշներին։

Ցավոք, արցախահայության ողբերգությունը գործնականում աննկատ է մնացել համաշխարհային հանրության կողմից։ Բացառությամբ որոշ միջազգային կազմակերպությունների եւ առանձին քաղաքական առաջնորդների հայտարարությունների, որեւէ քայլ չի ձեռնարկվել դադարեցնելու Ադրբեջանի ցեղասպան քաղաքականությունը՝ ուղղված Լեռնային Ղարաբաղը/Արցախը հայաթափելու, էթնիկ զտում իրականացնելու եւ նրա ժողովրդի ինքնորոշման արդար ցանկությունը ճնշելու համար։

Ավելին, մենք ականատես եղանք, թե ինչպես է անպատժելիության զգացումը սնուցել Ադրբեջանի ծավալապաշտությունը, եւ այսօր Ադրբեջանն արդեն իսկ օկուպացրել ՀՀ ինքնիշխան տարածքները եւ քայլեր է ձեռնարկում սահմանափակելու նրա ինքնիշխանությունն ու անկախությունը։

Հայ Առաքելական Եկեղեցու Արցախի թեմի հավատացյալ զավակների հիմնական մասը այսօր ապաստան է գտել Հայաստանի Հանրապետությունում, իսկ նրանց մի ստվար զանգված՝ աշխարհի տարբեր երկրներում։ Ու թեեւ այսօր նրանք ազատված են ֆիզիկական բնաջնջման սպառնալիքից, սակայն ամեն օր շարունակում են բախվել իրենց իրավունքների ու ազատությունների բազմաթիվ խախտումների հետ։

Արցախից բռնի տեղահանված հազարավոր մարդկանց համար ամենակարեւոր խնդիրը մնում է հայրենիք վերադառնալու հարցը։ Վերադարձի իրավունքը, որն ամրագրված էր նաեւ Արդարադատության միջազգային դատարանի կողմից ընդունված ժամանակավոր միջոցների մասին որոշման մեջ, շարունակում է անտեսվել միջազգային հանրության կողմից։ Թեեւ տարբեր կառույցներ ու առանձին պետություններ երբեմն հայտարարություններ են անում Արցախի ժողովրդի վերադարձի իրավունքի մասին, սակայն այս հարցի շուրջ էական առաջընթաց չկա։

Վստահ ենք, որ առանց արցախահայության՝ հայրենիք վերադառնալու միջազգային անվտանգության երաշխիքների, անհնար է հակամարտության վերջնական կարգավորումը եւ խաղաղության ու կայունության հաստատումը ողջ տարածաշրջանում։

Միեւնույն ժամանակ, Ադրբեջանը շարունակում է վերանայել եւ կեղծել պատմությունը, ոչնչացնել եւ յուրացնել հայկական մշակութային ժառանգությունն ու նյութական արժեքները՝ ջնջելու հայկական ներկայության ցանկացած հետք եւ կանխելու հայերի վերադարձը Լեռնային Ղարաբաղ։ Ավերվել են մի շարք եկեղեցիներ եւ գերեզմանատներ, այդ թվում՝ Շուշիի Սուրբ Հովհաննես Մկրտիչ (Կանաչ ժամ) եկեղեցին։ Քարին տակ գյուղը հիմնովին ավերվել է, մի շարք այլ բնակավայրերի էլ անուղղելի վնաս է հասցվել։

Թեեւ իրավապաշտպան եւ մասնագիտական կազմակերպությունները գրեթե ամեն օր

արձանագրում են նման բազմաթիվ օրինակներ, Ադրբեջանը որեւէ պատասխանատվություն չի կրում, ինչը կանաչ լույս է վառում հետագա հանցագործությունների համար։

Ադրբեջանը շարունակում է Բաքվի բանտերում պահել հայ ռազմագերիներին ու պատանդներին։ Ադրբեջանական բանտերում հայ բանտարկյալների նկատմամբ խոշտանգումների եւ անմարդկային վերաբերմունքի բազմաթիվ արձանագրված փաստեր կան, սակայն Ադրբեջանը նույնիսկ թույլ չի տալիս միջազգային իրավապաշտպան կազմակերպություններին իրական տեղեկատվություն ստանալ այդ մարդկանց առողջական վիճակի մասին։ Ավելին, այս հարցը Ադրբեջանի կողմից օգտագործվում է որպես քաղաքական սակարկությունների թեմա, ինչը կոպտորեն խախտում է միջազգային մարդասիրական իրավունքի սկզբունքները։

Ձերդ Գերազանցություն,

Պետք է օգտագործվեն COP29-ի ընթացքում ընձեռված բոլոր հնարավորությունները՝ տարածաշրջանում արդար, երկարատեւ եւ արժանապատիվ խաղաղություն հաստատելու համար: Լեռնային Ղարաբաղի/Արցախի հայության իրավունքների պաշտպանությունը եւ տարածաշրջանային անվտանգության խթանումը կարեւոր նշանակություն ունեն ժողովրդավարական իդեալներին մեր սեփական հավատարմությունը պահպանելու համար։

Այս կապակցությամբ, կոչ եմ անում ճնշում գործադրել Ադրբեջանի նախագահ Իլհամ Ալիեւի եւ Ադրբեջանի կառավարության վրա՝ շոշափելի միջոցներ ձեռնարկելու, որոնք կաջակցեն տարածաշրջանային խաղաղությանը, կապահովեն մարդու իրավունքների պաշտպանությունը եւ կպահպանեն միջազգային օրենքների ու նորմերի գերակայությունը:

Աղոթքով՝

Հայ Առաքելական Սուրբ Եկեղեցու Արցախի թեմի առաջնորդ

Գերաշնորհ Տեր Վրթանես եպիսկոպոս Աբրահամյան»։

Լրահոս

Կարևոր
Մենք պետք է դիմադրենք արտաքին ազդեցությանը և փրկենք կրթական համակարգը. Աբրահամ Հովեյան
Բրազիլիայի նախագահը սկսել է պատասխան միջոցներ ձեռնարկել ԱՄՆ մաքսատուրքերի դեմ
Տիգրան Ավինյանը հանրային տրանսպորտում պատասխանում է ուղևորների հարցերին (տեսանյութ)
NY Post. Թրամփը ևս 5 միլիարդ դոլարով կրճատելու է արտաքին օգնությունը
Ուկրաինայի հարցով ՄԱԿ-ի Անվտանգության խորհրդի արտակարգ նիստը կկայանա օգոստոսի 29-ին
Politico. Եվրոպան քննարկում է Ուկրաինայում բուֆերային գոտի ստեղծելու հնարավորությունը
Շանհայի համագործակցության կազմակերպության գլխավոր քարտուղարը խոսել է Տյանցզինի գագաթնաժողովի մասին
Atlantic․ Եվրոպական երկրները ցանկանում են իմանալ Ուկրաինայի հարցով Ռուսաստանի և ԱՄՆ-ի բանակցությունների մանրամասները
Բալթյան երկրները և Լեհաստանը զորավարժություններ կանցկացնեն «Զապադ 2025»-ի դեմ
Մադուրոն դիմել է ՄԱԿ-ին՝ Վենեսուելայի դեմ ԱՄՆ-ի շարունակական ագրեսիայի հարցում օգնություն խնդրելու համար
Փաշինյանը նոր նշանակումներ է կատարել
«Հրապարակ». Սկանդալային ձերբակալություն
«Հրապարակ». Մակունցի սիրտը կրկին դեսպանի պաշտոն է ուզում
«Հրապարակ». «Մեր ձեւով» շարժումը լինելու է ապաքաղաքական
«Հրապարակ». Արթիկի համայնքապետի մուտքը ՌԴ 50 տարով արգելվել է
Ավանեսյանի համար գլխավորը «սրտի» թեկնածուին «անցկացնելն» էր. ինչպես անցավ ընտրությունը. «Ժողովուրդ»
150 դրամի դիմաց՝ խախտված իրավունքներ եւ Տիգրան Ավինյանի անպատասխանատվությունը․ «Ժողովուրդ»
Սպերցյանը ճիշտ վարվեց՝ չտեղափոխվելով Չեմպիոնշիփ․ Սեմշով
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը
Օգոստոսի 29-ին կդադարեցվի Կենտրոն վարչական շրջանի որոշ հասցեների գազամատակարարումը

Լրացուցիչ նորություններ

...

Տիգրան Ավինյանը հանրային տրանսպորտում պատասխանում է ուղևորների հարցերին (տեսանյութ)

Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը

Օգոստոսի 29-ին կդադարեցվի Կենտրոն վարչական շրջանի որոշ հասցեների գազամատակարարումը

Դպրոցներում սեպտեմբերի 1-ից դասերը կսկսվեն ժամը 08։15-ին

Ոչ ոք չի կարող զրկվել իր երկիր մուտք գործելու իրավունքից․ ԼՂ փախստականների իրավապաշտպան միություն

Աշտարակ-Փարպի-Ղազարավան ավտոճանապարհի հիմնանորոգման շրջանակում մեկնարկել են ասֆալտբետոնե ծածկի տեղադրման աշխատանքներ

Տեղի է ունեցել կուրսանտների երդման հանդիսավոր արարողությունը

Քաղցկեղի դեպքեր Երևանում․ Շրջանառվող թվեր և պաշտոնական լռություն (տեսանյութ)

Սա պատմություն չէ․ դասագրքերը դարձել են քաղաքական գործիք․ Ղուկասյան (տեսանյութ)

Աշակերտները անտարբե՞ր են կրթության հարցում․ թղթապանակ՝ դասագրքի փոխարեն (տեսանյութ)

Կեղծ թղթադրամներով առևտուր անող տղամարդը կալանավորվել է

Խախտումներ՝ մսամթերքի արտադրամասում (Լուսանկարներ)

Macson–ը բացում է իր առաջին խանութը Երևանում

Կընդլայնվի ԼՂ բռնի տեղահանված ընտանիքներին աջակցության միջոցառումների շրջանակը

Թարմացվել է երկակի և (կամ) ռազմական նշանակության չհանդիսացող ապրանքների ցանկը

Ով է հրամայել Զալուժնիին չխոսել Վենսի հետ. Մեկ օրում Արեգակի վրա առնվազն 100 նոր բիծ է հայտնվել (տեսանյութ)

Արթուր Չախոյանի նկատմամբ վարչարարություն է իրականացվել. Կոստանյան

Եթե քաղաքապետարանի կողմից ինչ-որ սխալ գործողություն է տեղի ունենում, ներողություն ենք խնդրում դրա համար. Սուրեն Գրիգորյան

Ահազանգ. Հաշմանդամություն ունեցող անձանց տրամադրվող պետպատվերը կրկին սառեցվել է

Գրիգոր Տեր-Ղազարյանին պատկանող մետաղաձուլական գործարանում հակшտանկային шրկ է հայտնաբերվել