Եվրոպան պետք է խզի հարաբերությունները ԱՄՆ նախագահ Դոնալդ Թրամփի հետ և կենտրոնանա մայրցամաքում ամուր դաշինքներ ստեղծելու վրա։ Այսպիսի կոչով է հանդես եկել Լեհաստանի նախկին նախագահ Լեխ Վալենսան (1990-1995), Super Express թերթի համար մեկնաբանելով Լեհաստանի արտգործնախարար Ռադոսլավ Սիկորսկու և ամերիկացի գործարար Իլոն Մասկի փոխհրաձգությունը։
«Եկեք կառուցենք հարաբերություններ և կապեր Եվրոպայում, եկեք խաղադրույք կատարենք Եվրոպայի վրա, եկեք խզենք կապերը Թրամփի հետ և կառուցենք եվրոպական անվտանգություն և ամուր դաշինքներ այստեղ՝ Եվրոպայում», - ասել է Վալեսան։
«Եկեք զբաղվենք մեր գործով, եկեք չանհանգստանանք Մասկի համար: Ես թքած ունեմ նրա վրա: Ես անտեսում էի նրան, նրանից պետք է խուսափել: Նա ոչինչ չի նշանակում»,- ասել է Լեհաստանի նախկին առաջնորդը՝ մեկնաբանելով Մասկի խոսքերը Սիկորսկու մասին X-ում:
Մարտի 9-ին բախում տեղի ունեցավ լեհական դիվանագիտության ղեկավարի և X-ում ամերիկացի միլիարդատիրոջ միջև: Ձեռնարկատերը շեշտեց, որ «առաջին գիծը կփլուզվի, եթե նա անջատի հաղորդակցությունը», նկատի ունենալով Ուկրաինայում Starlink տերմինալները:
