Եվրոպայի անվտանգության և համագործակցության կազմակերպությունը (ԵԱՀԿ) պատրաստ է աջակցել Ուկրաինայում կարգավորմանն ուղղված ջանքերին։ Այս մասին Մոսկվա կատարած այցից հետո հայտարարել է կազմակերպության գլխավոր քարտուղար Ֆերիդուն Սինիրլիօղլուն։
Նրա կարծիքով, հակամարտությունը դադարեցնելու «հնարավորություն կա», որից արժե օգտվել։ Ինչպես նշվում է կազմակերպության մամուլի հաղորդագրության մեջ, ԵԱՀԿ-ն պատրաստ է աջակցություն ցուցաբերել «կողմերին օգտակար ցանկացած ձևով» այժմ և կարգավորման հասնելուց հետո։
Ռուսաստան կատարած այցի շրջանակներում Սինիրլիօղլուն հանդիպել է ՌԴ արտաքին գործերի նախարար Սերգեյ Լավրովի և ՌԴ-ում մարդու իրավունքների հանձնակատար Տատյանա Մոսկալկովայի հետ։
