Ամերիկացի միլիարդատեր և ձեռներեց Իլոն Մասկը «գերազանց աշխատանք» է անվանել Սաուդյան Արաբիայում ԱՄՆ-ի և Ուկրաինայի պատվիրակությունների միջև բանակցությունների արդյունքները, որոնք, ըստ ԱՄՆ պետքարտուղար Մարկո Ռուբիոյի, «հերթական քայլով» մոտեցրել են Ուկրաինայում խաղաղությանը:
«Հիանալի աշխատանք»,-գրել է Մասկը X-ում՝ մեկնաբանելով սոցիալական ցանցում Ռուբիոյի գրառումը, որում նա նշել է, որ ԱՄՆ-ի և Ուկրաինայի պատվիրակությունների միջև բանակցությունները կարևոր քայլ էին ուկրաինական հակամարտության կարգավորման ուղղությամբ, և այժմ «գնդակը Ռուսաստանի դաշտում է»։
Երեքշաբթի օրը Սաուդյան Արաբիայում կայացել է ԱՄՆ-ի և Ուկրաինայի պատվիրակությունների հանդիպումը։ Զելենսկիի գրասենյակը բանակցություններից հետո հրապարակել է Կիևի և Վաշինգտոնի համատեղ հայտարարություն, որում նշվում է, որ Կիևը պատրաստ է 30 օրով հրադադարի մասին ԱՄՆ առաջարկին, որը կարող է երկարաձգվել կողմերի համաձայնությամբ։
Փաստաթղթում նշվում է նաև, որ ԱՄՆ-ը անմիջապես կչեղարկի հետախուզության փոխանակման դադարը և կվերսկսի ռազմական մատակարարումները Ուկրաինային։
