Al Arabiya. Սաուդյան կողմը ԱՄՆ-Ուկրաինա բանակցություններին ներկայացնում է արտգործնախարարը

11.03.2025 16:16 | Կատեգորիա Համաշխարհային

Սաուդյան Արաբիան Ջիդդայում ԱՄՆ-ի և Ուկրաինայի պատվիրակությունների միջև բանակցություններին ներկայացնում է թագավորության արտաքին գործերի նախարար, արքայազն Ֆեյսալ բեն Ֆարհան Ալ Սաուդը։ Այս մասին հայտնել է Al Arabiya հեռուստաալիքը։

Սաուդյան Արաբիայի կողմից բանակցություններին մասնակցում է նաև պետնախարար և ազգային անվտանգության հարցերով խորհրդական Մուսաեդ բեն Մուհամեդ ալ-Այբանը։

Ավելի վաղ Ջիդայում բանակցություններ էին սկսվել ԱՄՆ-ի եւ Ուկրաինայի պատվիրակությունների միջեւ՝ ուկրաինական ճգնաժամի կարգավորման համար։

Հանդիպման թեմաները, կողմերի նախկին հայտարարությունների համաձայն, կարող են ներառել հանքային ռեսուրսների վերաբերյալ համաձայնագիրը և Ուկրաինային ԱՄՆ-ի զենքի մատակարարումների վերսկսումը։

Ուկրաինական կողմից հանդիպմանը մասնակցում են Վլադիմիր Զելենսկու գրասենյակի ղեկավար Անդրեյ Էրմակը, արտաքին գործերի նախարար Անդրեյ Սիբիգան և պաշտպանության նախարար Ռուստեմ Ումերովը։ Ամերիկյան կողմը ներկայացնում են պետքարտուղար Մարկո Ռուբիոն և նախագահի ազգային անվտանգության հարցերով օգնական Մայք Ուոլցը։

Սաուդյան Արաբիայի ԱԳՆ ղեկավարը և ազգային անվտանգության հարցերով խորհրդականը մասնակցել են Ռուսաստանի և ԱՄՆ պատվիրակությունների բանակցություններին, որոնք տեղի են ունեցել փետրվարի 18-ին Էր Ռիադում։

«Իրավունք». Տղե՛րք, էս ո՞ւր. մի շարք թեկնածուներ շտապել են լքել հարազատ քաղաքական ուժի շարքերը

08:34

«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել

08:18

«Ժողովուրդ». Ովքեր են Ալեն Սիմոնյանի դեմ աշխատել, որ նրան որևէ պաշտոնի չի նշանակում Փաշինյանը. ցուցակ

08:11

«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից

07:55 Կարևոր