ԱՄՆ նախագահ Դոնալդ Թրամփի վարչակազմը սկսել է Կենտրոնական հետախուզական գործակալության (ԿՀՎ) աշխատակիցների լայնածավալ կրճատումներ, որոնք հիմնականում վերաբերում են վերջին երկու տարվա ընթացքում աշխատանքի ընդունված աշխատակիցներին, գրում է New York Times-ը՝ հղում անելով աղբյուրներին։
«Վերջին երկու տարիների ընթացքում աշխատանքի ընդունված որոշ աշխատակիցներ կանչվել են Լանգլիի գլխավոր գրասենյակից դուրս, որտեղ նրանց ստիպել են իրենց նույնականացման քարտերը հանձնել անվտանգության աշխատակիցներին», - ասվում է զեկույցում:
Հրատարակության համաձայն՝ կրճատումները նպատակ ունեն նվազեցնել փորձաշրջանով աշխատողների թիվը։ Ըստ թերթի՝ ԿՀՎ-ն հաստատել է, որ վերջին երկու տարվա ընթացքում աշխատանքի ընդունված որոշ աշխատակիցներ իսկապես ազատվել են աշխատանքից։ Սակայն ստույգ թիվը դեռևս չի հաղորդվում։
