Գերմանիայի նոր խորհրդարանը առաջին նիստը կանցկացնի մարտի 25-ին՝ արտահերթ ընտրություններից մեկ ամիս և երկու օր անց, հայտնում է DPA գործակալությունը՝ հղում անելով Բունդեսթագի խորհրդին, որը ներգրավված է ժամանակացույցի կազմման մեջ։
Այս որոշումը, ինչպես նշում է գործակալությունը, տեղի է ունենում հիմնական օրենքի շրջանակներում, որը թույլ է տալիս խորհրդարանի հիմնադիր նիստեր անցկացնել ընտրություններից հետո 30 օրվա ընթացքում։ Այսպիսով, մարտի 25-ը վերջին օրն է, երբ դա կարելի էր անել։
Նոր Բունդեսթագում, մանդատների առավելագույն քանակի մասին օրենքում կատարված վերջին փոփոխությունների համաձայն, լինելու է ընդամենը 630 պատգամավոր, նախկինում խորհրդարանում հավաքվել էր մինչև 733 պատգամավոր։
Վերջին ընտրությունների արդյունքում Քրիստոնեա-դեմոկրատական և Քրիստոնեա-սոցիալական միություն դաշինքի (CDU/CSU) խմբակցությունը կստանա ամենամեծ թվով պատգամավորական մանդատներ՝ 208, նրանց հաջորդում են «Այլընտրանք Գերմանիայի համար» (152), Սոցիալ-դեմոկրատները (SPD, 120) և Կանաչները (85):
