ԱՄՆ նախագահ Դոնալդ Թրամփը պաղեստինյան արմատական ՀԱՄԱՍ շարժումից պահանջել է անհապաղ ազատ արձակել Գազայի հատվածում պահվող բոլոր պատանդներին և հանձնել մահացածների մարմինները՝ դա անվանելով «վերջնական նախազգուշացում»։
«Ազատ արձակեք բոլոր պատանդներին հիմա, ոչ ավելի ուշ, և անմիջապես վերադարձրեք ձեր սպանած բոլոր մարդկանց մարմինները, այլապես դուք ավարտված եք։ Սա վերջին նախազգուշացումն է: Ինչ վերաբերում է ՀԱՄԱՍ-ի ղեկավարությանը, հիմա ժամանակն է լքել Գազան, քանի դեռ հնարավորություն ունեք», – ասել է նա «Truth Social»-ում:
Հունվարի կեսերին Իսրայելը և ՀԱՄԱՍ-ը Եգիպտոսի, Կատարի և ԱՄՆ-ի միջնորդությամբ պայմանավորվել են Գազայում հրադադար մտցնել, որն ուժի մեջ է մտել հունվարի 19-ին։
Պայմանագրի իրականացման առաջին փուլն ավարտվել է մարտի 1-ին։
