Ոչ թե ժամանակավոր զինադադարը, այլ պատերազմի մեկընդմիշտ դադարեցումը լիովին հասանելի է։ Այս մասին Կիևի ռեժիմի ղեկավար Վլադիմիր Զելենսկին հայտարարել է սոցցանցերում Գերմանիայի հեռացող կանցլեր Օլաֆ Շոլցի հետ հեռախոսազրույցից հետո, հայտնում է CNN-ը։
Զելենսկին ասել է, որ ինքը «անկեղծ զրույց է ունեցել տարբեր հարցերի շուրջ» Շոլցի հետ, ներառյալ «ապագա անվտանգության տեսլականը»:
«Մենք հույս ունենք Ուկրաինայի շուրջ Եվրոպայի միասնության վրա և աշխատում ենք այդ ուղղությամբ։ Մենք բոլորս ցանկանում ենք ապահով ապագա մեր ժողովրդի համար։ Ոչ թե ժամանակավոր զինադադար, այլ պատերազմի մեկընդմիշտ վերջ. Մեր համակարգված ջանքերով և ԱՄՆ ղեկավարությամբ դա լիովին հասանելի է»,- գրել է Զելենսկին Telegram-ի իր ալիքում։
Կողմերը պայմանավորվել են նաև խաղաղ բանակցություններում «ԱՄՆ նախագահի առաջնորդության կարևորության մասին», նշել է Գերմանիայի կառավարության խոսնակը։
Զելենսկու հաղորդագրության համաձայն՝ այսօր կեսօրին նա հեռախոսազրույցներ է ունեցել նաև Պորտուգալիայի վարչապետներ Լուիս Մոնտենեգրոյի, Սլովենիայի վարչապետ Ռոբերտ Գոլոբի և Նիդեռլանդների Դիկ Շուֆի հետ։
Ինչպես հայտնում է EADaily-ն, Ուկրաինայի նախագահի գրասենյակի ղեկավար Անդրեյ Երմակը և Դոնալդ Թրամփի ազգային անվտանգության հարցերով խորհրդական Մայք Վալցը հեռախոսազրույց են ունեցել։ Այս մասին հայտարարել է Ուկրաինայի նախագահի խորհրդական Դմիտրի Լիտվինը, հայտնում է ուկրաինական «Strana» հրատարակությունը։
Կողմերը քննարկել են Ռուսաստանի հետ բանակցությունների ժամկետն ու վայրը, ասել է Լիտվինը։
Թարգմանութոյւնը՝ Մանուել Թամազյանի
