Ֆրանսիան մտադիր է ուժեղացնել Ուկրաինային տրամադրվող օգնությունը։ Այս մասին ճեպազրույցում հայտարարել է Ֆրանսիայի կառավարության պաշտոնական ներկայացուցիչ Սոֆի Պրիման։
«Ֆրանսիան, որպես անկախ ռազմական տերություն՝ հանրապետության նախագահի՝ Գերագույն գլխավոր հրամանատարի, վարչապետի և Զինված ուժերի նախարարի գլխավորությամբ, պատրաստ է ակտիվացնել աջակցությունն Ուկրաինային և մոբիլիզացնել ռեսուրսները»,- նշել է նա։
Նրա խոսքով՝ «Փարիզը մտադիր է երաշխավորել Եվրոպայի ինքնիշխանությունը»։ «Սա պահանջում է ուժեղացնել մեր կարողությունները, ապահովել ռազմավարական ինքնավարություն և ավելի շատ ներդրումներ կատարել մեր պաշտպանության գործում», - ասել է Պրիման:
Ավելի վաղ Agence France-Presse-ը հայտնել էր, որ Ֆրանսիայի նախագահ Էմանուել Մակրոնը ողջունել է Վլադիմիր Զելենսկու պատրաստակամությունը՝ վերսկսելու ԱՄՆ նախագահ Դոնալդ Թրամփի հետ ուկրաինական հակամարտության կարգավորման շուրջ բանակցությունները։
