Կրեմլում կարծում են, որ եթե ԱՄՆ-ի կողմից Ուկրաինային զենքի և ռազմական տեխնիկայի մատակարարումների դադարեցման մասին տեղեկությունները համապատասխանում են իրականությանը, ապա նման որոշումը կարող է Կիևին մղել խաղաղության շուրջ բանակցությունների, այս մասին հայտարարել է ՌԴ նախագահի մամուլի խոսնակ Դմիտրի Պեսկովը։
«Իհարկե, մանրամասները դեռ պետք է ճշտել: Բայց եթե դա համապատասխանում է իրականությանը, ապա դա իսկապես կարող է մղել Կիևին դեպի խաղաղության գործընթաց», -Պեսկովի խոսքերն է մեջբերում ՌԲԿ պարբերականը։
Հարցին, թե արդյոք ամերիկյան մատակարարումների բացակայության դեպքում ռազմական գործողություններն Ուկրաինայում կարող են դադարեցվել երկու շաբաթվա ընթացքում, ինչպես ավելի վաղ հայտարարել էր ՌԴ նախագահ Վլադիմիր Պուտինը, Կրեմլի խոսնակը նշել է, որ ԵՄ-ն մտադիր է շարունակել օգնել Կիևին։
