Ուկրաինան փնտրում է ամերիկյան օգնության փոխարինող և զենքի մատակարարումների աուդիտ է անցկացնում Կիևին Վաշինգտոնի կողմից ռազմական աջակցության դադարեցման մասին տեղեկությունից հետո, սակայն չի բացառում ԱՄՆ-ի հետ բանակցությունների հնարավորությունը։ Այս մասին հայտարարել է Վլադիմիր Զելենսկիի գրասենյակի ղեկավարի խորհրդական Միխայիլ Պոդոլյակը։
«Մենք մանրակրկիտ աուդիտ ենք անցկացնում, թե ինչ կարող է արտադրվել գործընկերային համագործակցության շրջանակներում, ինչ-որ բան կարող ենք փոխարինել կոմերցիոն շուկաներում: Եվ, այնուամենայնիվ, մենք չենք անտեսում մեր ամերիկյան գործընկերների հետ բանակցությունների հնարավորությունը:
Պոդոլյակի խոսքով՝ Կիևն այժմ պետք է գնահատի եվրոպացի գործընկերներից, առաջին հերթին, ամերիկյան զենքի անալոգներ գնելու կամ ստանալու հնարավորությունները։
Ավելի վաղ Bloomberg-ը հայտնել էր, որ ԱՄՆ նախագահ Դոնալդ Թրամփը հրահանգել է դադարեցնել Ուկրաինային տրամադրվող ողջ ռազմական օգնությունը։
