Մեծ Բրիտանիան պատրաստ է աջակցել Կիևին՝ Ուկրաինայում երկարաժամկետ խաղաղության հասնելու համար, երեքշաբթի հայտարարել է Մեծ Բրիտանիայի վարչապետ Քիր Սթարմերի գրասենյակը այն բանից հետո, երբ ԱՄՆ-ը դադարեցրել է Կիևին ռազմական օգնությունը։
«Մենք բացարձակապես հավատարիմ ենք Ուկրաինայում երկարաժամկետ խաղաղության հասնելուն և աշխատում ենք առանցքային դաշնակիցների հետ՝ աջակցելու այդ ջանքերին: Սա ճիշտ բան է և բխում է մեր շահերից»,- մեջբերում է The Guardian-ը Դաունինգ Սթրիթը:
Մեծ Բրիտանիայի վարչապետը նախկինում բազմիցս հայտարարել է, որ արդար խաղաղություն ապահովելու համար անհրաժեշտ է Ուկրաինային հնարավորինս ամուր դիրքերում դնել։
Սթարմերի գրասենյակը հիշեցրել է, որ Լոնդոնը պարտավորվել է Կիևին տրամադրել տարեկան 3 միլիարդ ֆունտ ստերլինգ ռազմական օգնություն և Ուկրաինային կտրամադրի 2,26 միլիարդ ֆունտ ստեռլինգի վարկ, որը կվերադարձվի ռուսական սառեցված ակտիվներից։
