Հունգարիայի արտաքին գործերի նախարար Պետեր Սիյարտոն երեքշաբթի Վաշինգտոնում բանակցություններ կվարի ԱՄՆ պետքարտուղար Մարկո Ռուբիոյի հետ։ Սպասվում է, որ նրանք կքննարկեն ուկրաինական հակամարտության կարգավորման եւ Ռուսաստանի դեմ ամերիկյան պատժամիջոցների թուլացման հնարավորությունը։
Սիյարտոն և Ռուբիոն «կկենտրոնանան առանցքային երկկողմ և գլոբալ խնդիրների վրա», - ասել է Հունգարիայի վարչապետի գրասենյակի միջազգային կապերի և հարաբերությունների գծով պետքարտուղար Զոլտան Կովաչը սոցցանցի իր էջում:
Վաշինգտոն մեկնելու նախօրեին Սիյարտոն լրագրողներին ասել է, որ այժմ Հունգարիայի և ԱՄՆ-ի բոլոր մակարդակներում շփումների հիմնական թեման ուկրաինական հակամարտության լուծումն է։
Բացի այդ, Սիյարտոն Դոնալդ Թրամփի վարչակազմի հետ բանակցություններում բարձրացրել է էներգետիկ ոլորտում Ռուսաստանի դեմ ԱՄՆ մի շարք պատժամիջոցների վերացման հարցը, որոնք վնասակար են Հունգարիայի համար։
