Գազայի հատվածի հարավում գտնվող Ռաֆահ քաղաքում իսրայելական բանակի մարտերի արդյունքում լրջորեն տուժել է ավելի քան 11 հազար բնակելի շինություն, իսկ մոտ 4 հազարն ամբողջությամբ ավերվել ու դարձել են բնակության համար անպիտան։ Այս մասին հայտնում է քաթարյան Al Jazeera հեռուստաալիքը՝ հղում անելով Պաղեստինի հանրային աշխատանքների և բնակարանային նախարարությանը։
Քաղաքում կա 4 հազար բնակարան, որոնք բացարձակապես ոչ պիտանի են այնտեղ մարդկանց բնակեցնելու համար, ուստի, իշխանություններին անհրաժեշտ է առնվազն 70 հազար վրան՝ Ռաֆահում իրենց տները կորցրած ընտանիքներին ապաստան տալու համար։
Գերատեսչությունը նաեւ նշել է, որ քաղաքում բնականոն կյանքի վերսկսմանը խոչընդոտող ամենամեծ խնդիրը մի շարք շրջաններում իսրայելական ստորաբաժանումների առկայությունն է, որը շարունակում է վտանգ ներկայացնել պաղեստինցիների համար։
«Անհրաժեշտ է «արագացնել օկուպացիոն ուժերի դուրսբերումը», որպեսզի ավարտվի ավերածությունների հաշվառումը և սկսվի կարգավորել իրավիճակը Ռաֆահում, ասվում է նախարարությունում։
