Եվրոպական երկրները պետք է ներգրավեն 200 միլիարդ եվրոյի ներդրումներ պաշտպանական ծախսերում, որը պետք է կազմի բյուջեի 3-3,5%-ը, հայտարարել է Ֆրանսիայի նախագահ Էմանուել Մակրոնը իտալական Foglio թերթին տված հարցազրույցում։
Եվրահանձնաժողովի ղեկավար Ուրսուլա ֆոն դեր Լaյենը ավելի վաղ հայտարարել էր, որ հինգշաբթի Ուկրաինային նվիրված ԵՄ գագաթնաժողովում կներկայացնի ԵՄ ռազմավարությունը՝ իր պաշտպանական կարողությունների ամրապնդման համար։ Bloomberg-ը հայտնել է, որ Եվրամիությունը մտադիր է հարյուր միլիարդավոր եվրո հատկացնել պաշտպանության լրացուցիչ ֆինանսավորման համար. խոսքը գնում է բյուջեի կանոնների փոփոխության, հնարավոր համատեղ ֆինանսավորման և առկա միջոցների վերաբաշխման մասին։
«Սկզբից մեզ անհրաժեշտ է 200 միլիարդ եվրո, որպեսզի կարողանանք ներդրումներ կատարել, բայց միևնույն ժամանակ, ինձ համար հինգշաբթի ԵՄ առաջնորդների գագաթնաժողովում քննարկման նպատակն է բացահայտել ընդհանուր հնարավորությունները, որոնցում մենք ցանկանում ենք բարձրացնել մեր իրավասությունը և հասնել ավելի մեծ եվրոպական ինքնավարության»,- ասել է Մակրոնը։
Նախագահը որպես օրինակ բերել է նաեւ Ռուսաստանի պաշտպանության ծախսերը։
