Ռուսաստանը պահպանում է Ուկրաինայում հատուկ ռազմական գործողության նպատակները և շարունակում է այն՝ չնայած ԱՄՆ-ի հետ երկխոսության հաստատմանը։ Այս մասին ճեպազրույցում ընդգծել է ՌԴ նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի հարցին։
«Իրավիճակը բարդ է ուկրաինական կարգավորման առումով», - ասել է Կրեմլի խոսնակը։ «Ռուսաստանի Դաշնությունը շարունակում է իր երկխոսությունը Վաշինգտոնի հետ՝ մեր երկկողմ հարաբերությունների կարգավորման, մեր դիվանագիտական առաքելությունների բնականոն գործունեության համար անհրաժեշտ պայմանների ապահովման առումով, առանց որի շատ դժվար է քննարկել մնացած բոլոր հարցերը։ Եվ, միևնույն ժամանակ, ռուսական կողմը շարունակում է հատուկ ռազմական գործողությունը՝ հասնելու այն բոլոր նպատակներին, որոնք դրված էին ի սկզբանե», -ընդգծել է Պեսկովը։
