Հունգարիայի վարչապետ Վիկտոր Օրբանը մտադիր է մարտի 6-ին Բրյուսելում կայանալիք ԵՄ գագաթնաժողովում հայտարարել, որ անիրատեսական է համարում Ուկրաինայի մուտքը համայնք։
«ԵՄ հաջորդ գագաթնաժողովում մենք այլ բան չենք ասի, քան այն, ինչ ասել ենք մինչ այժմ. Ուկրաինայի անդամակցությունը ԵՄ-ին անիրատեսական է»,- գրել է կառավարության ղեկավարը Facebook-ում։
Օրբանը հիշեցրել է, որ, ըստ Հունգարիայի, ԵՄ-ին Ուկրաինայի անհապաղ միացումը անուղղելի վնաս կհասցնի գյուղատնտեսությանը և ողջ եվրոպական տնտեսությանը։ Բացի այդ, Ուկրաինայի իշխանությունները չեն վերադարձրել Անդրկարպատիայում հունգարական փոքրամասնության իրավունքները և չեն դադարեցրել գործողությունները, որոնք սպառնում են Հունգարիայի էներգետիկ անվտանգությանը։ Այս պահանջներն առաջ են քաշել նաև Բուդապեշտը եվրոպական կառույցներին Կիևի ինտեգրման հարցերը քննարկելիս։
Միաժամանակ, Օրբանը նշել է, որ ապագայում չի բացառում Ուկրաինայի՝ ԵՄ անդամակցության հնարավորությունը, եթե այն կատարի բոլոր անհրաժեշտ պահանջները և համապատասխանի անդամակցության թեկնածուների չափանիշներին։
