ԱՄՆ նախագահ Դոնալդ Թրամփը մարտի 3-ին կհանդիպի ազգային անվտանգության իր թիմի հետ՝ քննարկելու և, հնարավոր է, քայլեր ձեռնարկելու Ուկրաինայի վերաբերյալ։
Այս մասին հայտնում է The New York Times-ը՝ ամերիկացի պաշտոնյայի վրա հղումով։
Մի շարք միջոցառումներ կարող են ներառել Կիևին ռազմական օգնության կասեցումը կամ չեղարկումը, որը համաձայնեցվել է ԱՄՆ նախկին վարչակազմի օրոք, ներառյալ՝ զինամթերքի և ռազմական տեխնիկայի մատակարարումը:
Հանդիպմանը կմասնակցեն ԱՄՆ պետքարտուղար Մարկո Ռուբիոն եւ երկրի պաշտպանության նախարար Փիթ Հեգսեթը, հայտնել է հրատարակության աղբյուրը։
