ՆԱՏՕ-ի երկրները պատրաստում են Ուկրաինային օգնության նոր փաթեթ, ներառյալ «միլիարդավոր եվրո» և ներդրումներ Կիևի անվտանգության երաշխիքների համար, այս մասին դաշինքի գլխավոր քարտուղար Մարկ Ռյուտեն հայտնել է ԱՄՆ նախագահ Դոնալդ Թրամփի հետ փետրվարի 27-ի երեկոյան կայացած հեռախոսազրույցից հետո։
«ԱՄՆ-ն և ՆԱՏՕ-ն ավելի են ուժեղանում։ ՆԱՏՕ-ի գործընկերներն արագ առաջ են շարժվում պաշտպանության ոլորտում ավելի մեծ ներդրումների առումով…. Ուկրաինայի հարցով դաշնակիցները նախապատրաստում են ևս միլիարդավոր եվրոյի օգնություն + ներդրումներ անվտանգության երաշխիքներում», - գրել է նա X սոցիալական հարթակում։ Ռյուտեն զրույցը որակել է որպես «հրաշալի»՝ չհստակեցնելով, թե ՆԱՏՕ-ի որ երկրներն են պատրաստ ֆինանսավորում հատկացնել:Փետրվարի 26-ին Թրամփը հայտարարել է, որ ժամանակավորապես դադարեցվել են զենքի և զինամթերքի մատակարարումներն Ուկրաինային։
Միևնույն ժամանակ նա նշել է, որ ավելի վաղ փոխանցված ռեսուրսները Կիևին պետք է հնարավորություն տան շարունակելու ռազմական գործողությունները, քանի դեռ Մոսկվան և Վաշինգտոնը համաձայնության չեն եկել ռուս-ուկրաինական հակամարտության խաղաղ կարգավորման շուրջ։ Դրա հետ մեկտեղ Թրամփը հնարավոր է համարել Կիևին ռազմական աջակցության վերականգնումը, եթե պատերազմը դադարեցնելուն ուղղված դիվանագիտական ջանքերը ձախողվեն։
