Սիրիացի քրդերի հիմնած «Ժողովրդավարական միություն» (PYD) կուսակցության զինված ջոկատները պատրաստ են վայր դնել զենքը՝ պայմանով, եթե իրենց հնարավորություն տրվի մասնակցելու քաղաքական գործունեությանը, այդ մասին հայտարարել է PYD-ի ղեկավար Սալիհ Մուսլիմը՝ Al Arabiya հեռուստաալիքին մեկնաբանելով Թուրքիայում արգելված Քրդստանի աշխատավորական կուսակցության (PKK) առաջնորդ Աբդուլլահ Օջալանի կոչը զինված կազմավորումներին՝ վայր դնելու զենքը։
«Եթե մեզ թույլ տան աշխատել քաղաքական ոլորտում, զենքի կարիք չի լինի», - ասել է նա՝ ընդգծելով, որ «զենք կրելու անհրաժեշտությունը դեռ գոյություն ունի՝ հաշվի առնելով թուրքական կրկնվող հարձակումները»։
Մուսլիմը նաև նշել է, որ կուսակցությունը սպասում է PKK-ի կոնգրեսի որոշմանը, որտեղ կարող է հայտարարվել կուսակցության լուծարման մասին։Ավելի վաղ իր ուղերձում, որը լրագրողների համար ընթերցել են DEM քրդամետ կուսակցության ներկայացուցիչները, Թուրքիայում ցմահ բանտարկություն կրող Օջալանը PKK-ի հետ կապված բոլոր կազմավորումներին կոչ է արել վայր դնել զենքը և դադարեցնել զինված առճակատումը Թուրքիայի դեմ, իսկ PKK-ին՝ լուծարվել։
