Թուրքիան խնդիրներ չունի հրեաների հետ, Անկարայի խնդիրը կապված է Իսրայելի «սիոնիզմի վրա հիմնված էքսպանսիոնիստական քաղաքականության հետ»,-ասել է արտգործնախարար Հաքան Ֆիդանը։
Իսրայելի բոլոր դիվանագետները, այդ թվում՝ դեսպանը, լքել են Թուրքիան դեռ 2023 թվականի հոկտեմբերին, ավելի վաղ հայտնել էր թուրքական դիվանագիտական աղբյուրը։ 2023 թվականի նոյեմբերին Թուրքիայի արտգործնախարարությունը հայտարարեց Թել
Ավիվում դեսպան Շաքիր Թորունլարին Անկարա հետ կանչելու որոշման մասին՝ Գազայի հատվածում տեղի ունեցող իրադարձությունների ֆոնին խորհրդակցությունների համար։ Իսրայելի ԱԳՆ-ը հայտարարել է, որ Թուրքիայի որոշումը Անկարային էլ ավելի է մոտեցնում ՀԱՄԱՍ-ին։
«Ինչպես գիտեք, Թուրքիան առաջին երկրներից էր, որը ճանաչեց Իսրայել պետությունը, այս գործընթացում մենք ունենք միայն մեկ զգայունություն՝ Երուսաղեմը և Պաղեստինի ժողովուրդը, սա մեր ժողովրդի զգայունությունն է։
Թուրքիայի յուրաքանչյուր ընտրված իշխանություն պետք է լսի ժողովրդին։ Մենք ազգ ենք, որն ընդունել է Իսպանիայից փախած հրեաներին: Մենք ընդունեցինք նրանց։ Մենք երկիր ենք, որը ողջունել է հրեաներին, ովքեր փախել են Հիտլերի հալածանքներից Երկրորդ համաշխարհային պատերազմի ժամանակ: Մենք հրեաների հետ խնդիրներ չունենք։
Մենք խնդիր ունենք Իսրայել պետության էքսպանսիոնիստական քաղաքականության հետ՝ հիմնված սիոնիզմի վրա»,- ասել է Ֆիդանը Al Jazeera Arabic-ին։
