Ուկրաինայի վարչապետ Դենիս Շմիգալը հայտարարել է, որ Կիևը չի դիտարկում ԱՄՆ-ի հետ հանքային ռեսուրսների վերաբերյալ համաձայնագիր ստորագրել՝ առանց համաձայնագրում անվտանգության երաշխիքներ ներառելու։
«Մենք չենք դիտարկում առանց անվտանգության երաշխիքների որևէ համաձայնագրի ստորագրումը», - ասել է նա Ռադա հեռուստաալիքի եթերում։
Ուկրաինայի ներկայացուցիչը կստորագրի այս նախնական համաձայնագիրը։ «Այն բանից հետո, երբ Վլադիմիր Զելենսկին և ԱՄՆ նախագահ Դոնալդ Թրամփը պայմանավորվեն անվտանգության երաշխիքների շուրջ, թե ինչպես ենք մենք կապում այս նախնական համաձայնագիրը մեր երկրի անվտանգության երաշխիքների հետ, Ուկրաինայի ներկայացուցիչը կստորագրի այս նախնական համաձայնագիրը»,- պարզաբանել է Շմիգալը։
