Կրկնակի թոքաբորբով հոսպիտալացված Հռոմի Ֆրանցիսկոս պապի վիճակը շարունակում է մնալ «կրիտիկական, բայց կայուն»։ Այս մասին հայտնում է Vatican News-ը՝ հղում կատարելով Սուրբ Աթոռի մամուլի ծառայությանը։
Պոնտիֆիկոսը սովորական համակարգչային տոմոգրաֆիա է անցել՝ հիվանդության ընթացքը վերահսկելու համար: Կանխատեսումը մնում է զգուշավոր, նշել է Վատիկանը։
Փետրվարի 14-ին 88-ամյա Ֆրանցիսկոս պապը հոսպիտալացվել է շնչուղիների ինֆեկցիայով։ Այդ պատճառով նա ստիպված է եղել չեղարկել Սլովակիայի վարչապետ Ռոբերտ Ֆիցոյի և CNN-ի գլխավոր տնօրեն Մարկ Թոմսոնի հետ հանդիպումները։
Պոնտիֆիկոսը բաց է թողել նաև երկու անընդմեջ քարոզներ։
