Ուկրաինայի նախագահ Վլադիմիր Զելենսկին մտադիր է ուրբաթ օրը՝ փետրվարի 28-ին, մեկնել Վաշինգտոն՝ հանդիպելու ԱՄՆ նախագահ Դոնալդ Թրամփի հետ։ Այս մասին հայտնում է Reuters-ը՝ վկայակոչելով աղբյուրներին։
Հրատարակությունը նշում է, որ երկու պետությունների ղեկավարները կքննարկեն Ուկրաինայում օգտակար հանածոների արդյունահանման վերաբերյալ համաձայնագրի նախագիծը։ Դրա պայմանները համաձայնեցվել են պաշտոնյաների կողմից, նշում է գործակալությունը։
Սպիտակ տունը հրաժարվել է մեկնաբանել։
Սպիտակ տան մամուլի քարտուղար Քերոլայն Լևիտը հայտարարել է, որ ԱՄՆ վարչակազմը հույս ունի նախագահներ Թրամփի, Պուտինի և Զելենսկու վաղաժամ հանդիպումների մասին։ Այս մասին նա խոսել է Fox News-ին տված հարցազրույցում՝ պատասխանելով հաղորդավարի հարցին, թե հնարավոր է նման հանդիպումներ։
Թրամփն ակնկալում է, որ Զելենսկին համաձայնագիր կստորագրի հանածոների արդյունահանման վերաբերյալ, որպեսզի Միացյալ Նահանգները կարողանա վերադարձնել Ուկրաինայի պաշտպանության համար ներդրված հարյուր միլիարդավոր դոլարները, ասել է Սպիտակ տան խոսնակը։
Փետրվարի 12-ին Թրամփն ու Պուտինը առաջին բանակցություններն են անցկացրել հանրապետականների ընտրություններից հետո։ Կրեմլը հայտնել է, որ բանակցությունների ընթացքում ՌԴ նախագահն իր ամերիկացի գործընկերոջը հրավիրել է Մոսկվա։
Ավելի վաղ Վաշինգտոնը հայտարարել էր, որ ԱՄՆ-ը վերանայում է իր դիրքորոշումը Ռուսաստանի և Ուկրաինայի նկատմամբ։
Թարգմանությունը՝ Մանուել Թամազյանի
