Ռուս-ամերիկյան հաջորդ շփումները տեղի կունենան փորձագիտական մակարդակով՝ արտաքին գործերի նախարարությունների գծով, այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը՝ անդրադառնալով արևմտյան ԶԼՄ-ներում տարածված տեղեկատվությանը փետրվարի 25-ին Էր Ռիադում ենթադրաբար նախատեսված հանդիպման վերաբերյալ։ Պեսկովն այդ հարցը վերահասցեագրել է ՌԴ ԱԳՆ-ին։
«Հաջորդ շփումները հերթի մեջ են. դրանք շփումներ են արտաքին գործերի նախարարությունների գծով, շփումներ փորձագիտական մակարդակով, ուստի խորհուրդ եմ տալիս դիմել արտաքին գործերի նախարարություն այդ հանդիպման մասին տեղեկատվության համար», - ասել է նա:
Պեսկովի խոսքով՝ այդ բանակցություններում կքննարկվեն երկխոսության կարգավորման միջոցները։
