Ռուսաստանը և ԱՄՆ-ն ցանկանում են հնարավորինս շուտ խաղաղության հասնել Ուկրաինայում, մինչդեռ Ուկրաինայի նախագահ Վոլոդիմիր Զելենսկին, ըստ Մոսկվայի, խանգարում է դրան, այս մասին հայտարարել է ՌԴ նախագահ Վլադիմիր Պուտինը Համառուսաստանյան պետական հեռուստառադիոընկերության լրագրող Պավել Զարուբինին տված հարցազրույցում։
«(ԱՄՆ) գործող նախագահը հայտարարել է, որ ցանկանում է հասնել խաղաղության: Ի դեպ, մենք՝ նույնպես և հնարավորինս արագ: Իսկ (Ուկրաինայի) վարչակարգի գործող ղեկավարը կանգնած է այդ նպատակին հասնելու ճանապարհին», - ասել է Պուտինը:
ՌԴ նախագահի կարծիքով՝ ընտրությունների դեպքում Ուկրաինայի նախագահը վերընտրվելու շանս չունի։
