Իրանը, վախենալով Իսրայելի և ԱՄՆ-ի հնարավոր հարձակումից, իր պաշտպանական համակարգերը դրել է առանցքային միջուկային և հրթիռային օբյեկտների մոտ՝ ներառյալ լրացուցիչ հակաօդային պաշտպանության համակարգերի տեղակայումը, գրում է բրիտանական Telegraph թերթը՝ հղում անելով կառավարության բարձրաստիճան աղբյուրներին։
Ավելի վաղ Wall Street Journal-ը, վկայակոչելով հետախուզության զեկույցներին ծանոթ պաշտոնյաներին, հայտնել էր, որ ԱՄՆ հետախուզությունը զգուշացրել է, որ Իսրայելը կարող է հարվածել Իրանի միջուկային օբյեկտներին 2025 թվականին։
Ամերիկացի զինվորական պաշտոնյաները նշել են, որ Իսրայելի հարձակումը մեծապես ամրացված միջուկային օբյեկտների վրա, հավանաբար, կպահանջի ԱՄՆ ռազմական աջակցություն և զինամթերք: ԱՄՆ նախագահ Դոնալդ Թրամփը ավելի վաղ հայտարարել էր, որ կնախընտրեր Իրանի հետ ոչ միջուկային գործարք կնքել, քան «ռմբակոծել այն»։
