Անգլիայում աղջիկն առանց աչքերի է ծնվել հազվագյուտ հիվանդության պատճառով, գրում է LADBible-ը։
Դարագ Օ'Սալիվանը և նրա ամուսինը՝ Վինս Գրինուեյը, ընդունել են երկվորյակ աղջիկներին՝ Մեյվին և Օռլային, որոնք ծնվել են հղիության 36-րդ շաբաթում: Այնուամենայնիվ, երեխաներ ունենալու ուրախությունը ստվերվել է անսպասելի ախտորոշմամբ։
Աղջիկներից մեկի՝ Մեյվի մոտ, բժիշկները հայտնաբերել են հազվագյուտ հիվանդություն՝ երկկողմանի անոֆթալմիա։ Այս վիճակը, երբ երեխան ծնվում է առանց աչքերի, հանդիպում է 100000 երեխայից մեկի մոտ:
Մեյվի կյանքի առաջին օրերն իսկական փորձություն դարձան ընտանիքի համար։ Սկզբում ամեն ինչ նորմալ էր թվում, մինչև մանկաբույժը նկատել է, որ աղջիկը չի բացում աչքերը։
«Մենք նույնիսկ չնկատեցինք, որովհետև նա այնքան փոքր էր: Բայց բժիշկների ձայնի տոնից մենք հասկացանք, որ ինչ-որ բան այն չէ»,- կիսվել է բրիտանուհին։
Աղջկա համար արդեն մշակվում են կոնֆորմերներ՝ հատուկ պլաստիկ պատյաններ, որոնք կօգնեն ակնախորշերին նորմալ ձևով և չափով զարգանալ:
