Թուրքիայի արտգործնախարար Հաքան Ֆիդանը, երկուշաբթի օրը Անկարայում իր ռուս գործընկեր Սերգեյ Լավրովի հետ բանակցություններից հետո, ասել է, որ թուրքական կողմը ուշադիր հետևում է Ուկրաինայի հարցով բանակցային գործընթացում Ռուսաստանի Դաշնության և ԱՄՆ-ի կողմից քննարկվող երաշխիքների հարցին։
«Մենք ուշադիր հետևում ենք Ռուսաստանի Դաշնության և ԱՄՆ-ի միջև բանակցային գործընթացին: Մենք պատրաստ ենք միջնորդական դեր ստանձնել։ Կան պահեր, որոնք հրապարակվում են, կան նաև այնպիսիք, որոնք չեն բացահայտվում։ Բայց կրկին, մենք դեռ հետևում ենք գործընթացին»,- երկուշաբթի օրը Անկարայում իր ռուս գործընկերոջ հետ ասուլիսում ասել է Թուրքիայի ԱԳՆ ղեկավարը։
