Ամերիկյան հետախուզության նախկին աշխատակից Սքոթ Ռիտերը կարծում է, որ ԱՄՆ նախագահ Դոնալդ Թրամփի կարծիքը հիմնականում համընկնում է Ռուսաստանի դիրքորոշման հետ՝ Սպիտակ տան ղեկավարը ձգտում է կայունության Եվրոպայում.
«Թրամփի կարծիքն արդեն համընկել է Ռուսաստանի շատ հիմնական դիրքորոշումների հետ՝ Ուկրաինայում ՆԱՏՕ չկա և այլն, Թրամփը ձգտում է կայունության Եվրոպայում»,- РИА Новости-ի փոխանցմամբ՝ գրել է Ռիթերը X սոցիալական ցանցում։
Փետրվարի 12-ին Պենտագոնի քարտուղար Փիթ Հեգսեթը Ուկրաինային աջակցության հարցերով կոնտակտային խմբի նիստի բացման ժամանակ ասել է, որ ԱՄՆ-ը չի հավատում, որ Ուկրաինայի անդամակցությունը ՆԱՏՕ-ին Ռուսաստանի հետ հակամարտության դիվանագիտական կարգավորման իրատեսական արդյունք է։
Իր հերթին, ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ուկրաինայի անդամակցությունը ՆԱՏՕ-ին անընդունելի է Ռուսաստանի համար՝ նրան դաշինք ընդունելուց հասարակ մերժումը բավարար չէ. Զախարովայի խոսքով, ՆԱՏՕ-ն պետք է հրաժարվի իր խոստումներից 2008-ի Բուխարեստի գագաթնաժողովից հետո, որտեղ Կիևին ապագայում երաշխավորվեց անդամակցությունը դաշինքին, հակառակ դեպքում, ինչպես ընդգծել է ՌԴ ԱԳՆ պաշտոնական ներկայացուցիչը, «այդ խնդիրը կշարունակի թունավորել մթնոլորտը եվրոպական մայրցամաքում»։
Միևնույն ժամանակ, ՌԴ նախագահի մամուլի քարտուղար Դմիտրի Պեսկովը ԵՄ-ին անդամակցելը Կիևի ինքնիշխան իրավունքն է անվանել։
Թարգմանությունը՝ Euromedia24.com-ի
