ԱՄՆ նախագահ Դոնալդ Թրամփը կարծում է, որ իր և ՌԴ նախագահ Վլադիմիր Պուտինի հանդիպումը կարող է տեղի ունենալ մինչև փետրվարի վերջ։ Ամերիկացի առաջնորդը դա հաստատել է երեքշաբթի օրը՝ իր նոր հրամանագրերը ստորագրելիս, պատասխանելով լրագրողների հարցերին։ Միջոցառումը տեղի է ունեցել Թրամփի Մար-ա-Լագո կալվածքում, որը գտնվում է Ֆլորիդայի Ուեսթ Փալմ Բիչի մոտ։
ԱՄՆ նախագահին խնդրել են պարզաբանել՝ արդյոք դեռ ակնկալում է Պուտինի հետ իր հանդիպումը մինչև ամսվա վերջ։ «Հավանաբար»,- պատասխանել է Թրամփը։ Նրա կողմից այս հարցի վերաբերյալ այլ մեկնաբանություններ չեղան։
Ինչպես փետրվարի 18-ին Էր Ռիադում ռուս-ամերիկյան բանակցություններից հետո հայտնել է Ռուսաստանի առաջնորդի օգնական Յուրի Ուշակովը, Պուտինի և Թրամփի հանդիպման կոնկրետ ամսաթիվը դեռ որոշված չէ։ Հանդիպումը դժվար թե կայանա հաջորդ շաբաթ, պարզաբանել է Ուշակովը։
Որպես Պուտինի և Թրամփի բանակցությունների հնարավոր վայր նշվել է Սաուդյան Արաբիան։
Թարգմանությունը՝ Euromedia24.com-ի
