X սոցիալական ցանցի և xAI ընկերության ղեկավար Իլոն Մասկը փետրվարի կեսերին հայտարարել է Grok 3 նոր չաթ-բոտի գործարկման մասին։ Այս մասին նա գրել է իր X-ի էջում։
Մասկի խոսքով՝ «աշխարհի ամենախելացի արհեստական ինտելեկտի» ցուցադրությունը տեղի կունենա փետրվարի 18-ին:
«Ամբողջ շաբաթավերջին ես կմշակեմ արտադրանքը թիմի հետ, այնպես որ մինչ այդ ես առցանց չեմ լինի», - եզրափակել է Մասկը:
Միլիարդատերը պնդում է, որ Grok 3-ը չափազանց հզոր արհեստական ինտելեկտ է, որն ընդունակ է խորը վերլուծության և հիմնավորման: Փորձարկումների ընթացքում այն ցույց է տվել արդյունքներ, որոնք Մասկի խոսքերով «գերազանցել են շուկայում հայտնի ցանկացած ապրանք»:
Ակնկալվում է, որ AI նոր մոդելի մուտքն անվճար կլինի: Նախկինում Grok-ը հասանելի էր միայն վճարովի X Premium սակագնային պլանի բաժանորդներին: Այժմ Մասկի նեյրոնային ցանցը հասանելի է թե՛ վեբ տարբերակով, թե՛ grok.com կայքում, թե՛ բջջային հավելվածում բոլորի համար։ Ի տարբերություն շատ այլ լուծումների, այս ԱԲ-ն (արհեստական բանականություն) չունի շատ սահմանափակումներ, այդ թվում՝ էթիկական:
