Ռուսաստան-Հայաստան և Ռուսաստան-Ադրբեջան հարաբերությունների միջև երբեք հավասարություն չի եղել, և այդ անհավասարությունը Հայաստանի օգտին է: Հայաստանը շատ ավելի մոտ երկիր է Ռուսաստանի համար, քան Ադրբեջանը, այդ պատճառով էլ Հայաստանի հետ հարաբերություններում տեղի ունեցողն ավելի ցավոտ է ընկալվում Ռուսաստանում:
Իսկ Ռուսաստանի և Ադրբեջանի հարաբերությունները գնալով սրվում են Բաքվից Գրոզնի ուղևորված ադրբեջանական AZAL օդանավի կործանման ետնապատկերին: Այն բանից հետո, երբ Ղազախստանը հրապարակեց ինքնաթիռի կործանման առաջին եզրակացությունը, ըստ որի՝ Ակտաու քաղաքի մոտ ընկած ինքնաթիռը կործանվել է արտաքին միջամտության հետևանքով, Ադրբեջանի արտաքին գործերի նախարարությունը պաշտոնական նոտա է հղել Մոսկվային՝ պահանջելով փակել Բաքվում «Ռոսսոտրուդնիչեստվո»-ի տեղեկատվական-մշակութային կենտրոնը՝ «Ռուսական տունը»:
Այդուհանդերձ, պաշտոնական Մոսկվան շատ մեղմ է արձագանքում Ադրբեջանի ակնհայտ ոչ բարեկամական գործողություններին կամ առհասարակ թողնում է դրանք անարձագանք: ՌԴ նախագահի մամուլի քարտուղար Դմիտրի Պեսկովը Բաքվում «Ռուսական տան» փակումը «թյուրիմացություն» է անվանել՝ հույս հայտնելով, որ կողմերին կհաջողվի լուծել այդ հարցը երկխոսության միջոցով: Մինչդեռ, երբ Հայաստանում է Ռուսաստանի հետ կապված որևէ նախագիծ փակվում, ռուսական մամուլում մեծ աղմուկ է բարձրանում: Ինչո՞վ է պայմանավորված այս խտրական վերաբերմունքը: Ադրբեջանի հետ հարաբերություններն ավելի կարևո՞ր են Մոսկվայի համար, քան Հայաստանի հետ հարաբերությունները:
Euromedia24-ի հետ զրույցում թեման մեկնաբանեց ռուսաստանցի միջազգայնագետ, ՄԳԻՄՈ-ի Միջազգային հետազոտությունների ինստիտուտի առաջատար գիտաշխատող, Միջազգային հետազոտությունների ինստիտուտի քաղաքական գործընթացների վերլուծության լաբորատորիայի տնօրեն Նիկոլայ Սիլաևը՝ ընդգծելով, որ դա շատ կարևոր ու ճիշտ հարցադրում է:
Մանրամասները՝ տեսանյութում:
Հեղինակ՝ Արամ Սարգսյան
