Թուրքիայի արտաքին գործերի նախարար Հաքան Ֆիդանը հայտարարել է, որ Անկարան մտադիր է մարտ ամսից Վաշինգտոնի հետ քննարկել հակաթուրքական սահմանափակումների վերացման հեռանկարը, այդ թվում՝ «Պատժամիջոցների միջոցով Ամերիկայի հակառակորդներին հակազդելու մասին» օրենքի (CAATSA) շրջանակներում։
«Միացյալ Նահանգների օրենքով Թուրքիայի նկատմամբ պատժամիջոցները չեն համապատասխանում մեր դաշնակցային հարաբերություններին և անհամատեղելի են ՆԱՏՕ-ի երկու երկրների դաշինքի ոգու հետ: Մենք պետք է ձերբազատվենք դրանից: Մենք դեռ չենք սկսել դրա վրա աշխատել:
Ինչպես գիտեք, վերջերս ձեւավորվել են Սենատն ու Կոնգրեսը, իսկ Սպիտակ տան նոր վարչակազմը վերջերս սկսել է աշխատել։ Որոշ նախարարություններ ավելի ուշ կսկսեն աշխատել։
Սրանք են ԱՄՆ-ի բնութագրերը։ Շուտով կսկսենք աշխատել այս հարցով։ Մարտից սկսած այս թեմաներն ակտիվորեն կքննարկվեն»,- ասել է նա Anadolu գործակալությանը տված հարցազրույցում։
