Վերջին 13 տարիներին ահագնացող տեմպերով աճում են շահումով խաղերի, ինտերնետ շահումով խաղերի, վիրտուալ մոլախաղերի, վիճակախաղերի, տոտալիզատրի, ինտերնետ տոտալիզատրի կազմակպերման գործունեության շրջանառության ծավալները։
Եթե 2010 թվականին ինտերնետ շահումով խաղերում կատարված խաղադրույքների ծավալը կազմում է շուրջ 14 միլիարդ դրամ, ապա 2023 թ այն ավելացել է ավելի քան 440 անգամ՝ հասնելով 6.3 տրիլիոն դրամի։
Մինչդեռ հավաքագրվող հարկերը և տուրքերը աճել են ընդամենը 26 անգամ։ Այս մասին հայտարարել է ԱԺ ՔՊ–ական պատգամավոր Հայկ Սարգսյանը։
«2010 թվականին 14 միլիարդ դրամ շրջանառությունից հավաքագրվել է շուրջ մեկ միլիարդ հարկ կամ ծավալի 7.2 տոկոսը, իսկ 2023–ին՝ 6.3 տրիլիոն դրամ շրջանառությունից հավաքագրվել է 33 միլիարդ հարկ կամ ծավալի 0.5 տոկոսը»,– ասել է նա։
Նա նշել է, որ շրջանառության ծավալի և վճարած հարկերի հարաբերակցությունը նվազել է ավելի քան 14 անգամ։
Նրա խոսքով՝ անհրաժեշտ է հարկային բեռը կրկին բարձրացնել։ «Նախագծով առաջարկվում է առկա հարկերից և տուրքերից բացի, ոլորտի համար նախատեսել 10 տոկոս շրջանառության հարկ»,– հավելել է նա։
