Իսրայելի նպատակը Գազայի հատվածն անմարդաբնակ դարձնելն է։ Այս մասին կիրակի օրը Կահիրեում հայտարարել է Արաբական պետությունների լիգայի գլխավոր քարտուղար Ահմեդ Աբու ալ-Գեյթը Մերձավոր Արևելքի խաղաղ գործընթացի ՄԱԿ-ի ժամանակավոր հատուկ համակարգող Սիգրիդ Կաագի հետ հանդիպման ժամանակ։
«Իսրայելի նպատակն է Գազայի հատվածը դարձնել անբնակելի՝ դրանով իսկ պայմաններ ստեղծելով մի սցենարի համար, որը ոչ միայն անընդունելի է, այլև ուղղակիորեն խախտում է միջազգային իրավունքը», -մեջբերում է պաղեստինյան WAFA գործակալությունը՝ համաարաբական կազմակերպության գլխավոր քարտուղարին:
Ալ-Ղեյթի խոսքով՝ «պաղեստինցիների բռնի տեղահանումը էկզիստենցիալ վտանգ է ներկայացնում պաղեստինյան դատի համար»: Նա կողմ է արտահայտվել «Գազայի հատվածի վերականգնմանը նախապատրաստվելիս օգնություն ցուցաբերելու ջանքերի ակտիվացմանը»:
Արաբական լիգայի գլխավոր քարտուղարն ընդգծել է, որ «երկու պետությունների կարգավորման բանաձևը (ենթադրում է Պաղեստինի և Իսրայելի պետությունների խաղաղ գոյակցությունը) մնում է պաղեստինցիների և իսրայելցիների երկարաժամկետ խաղաղության և անվտանգության հասնելու միակ ճանապարհը։
