Բրազիլիայում սարդերի «անձրև» է տեղացել։ Արտասովոր երեւույթը ֆիքսվել է տեսանյութով, գրում է Estado de Minas հրատարակությունը։Սարդերի «անձրև» է նկատվել Սան Տոմե դաս Լետրաս քաղաքում։ Հսկայական սարդոստայնը տեսանելի չէ կադրերում և թվում է, թե հարյուրավոր միջատներ են թափվում գետնին:
Տեսանյութը նկարահանել և հրապարակել է բնապահպան ակտիվիստ Բրունա Նաոմին: Մեկնաբանություններում օգտատերերից մեկը կատակով որոշել է հարցնել, թե որ քաղաքում է նկարահանվել՝ «սրտի կաթվածից խուսափելու համար»։
Բրունայի խոսքով՝ մեծ սարդոստայնը ստեղծած սարդերը պատկանում են Parawixia bistriata տեսակին և վտանգ չեն ներկայացնում մարդկանց համար։
Կենսաբան Ֆերնանդա Ռաջին հայտնել է, որ նման ցանցերը կարող են միավորել մինչև 500 առանձնյակի։ «Սարդային անձրևները», - նշել է նա, – սովորական երևույթ են գյուղական վայրերում՝ խոնավ սեզոնի ընթացքում, որը տևում է դեկտեմբերից մինչև մարտ:
